Jærstevne
19. april 2008 arrangerte BMK Jærstevne for amatørkorps. Ein fantastisk dag der sola skein om kapp med musikantane frå Gjesdal brass band, Klepp hornmusikk, Nærbø musikkorps, Vigrestad brass band og Bryne musikkorps.
Årets første marsjering er spennande og sjelden heilt vellukka. Det er ei stund sidan sist, og det tek litt tid å finna igjen rutinen på å spela medan ein beveger seg og instrumentet hoppar. Men, no er me i gang!
Under Jærstemnet starta alle korpsa korpsvis frå møllå og marsjerte til torget der me framførte eit par nummer kvar for softisetande publikumarar i vårsola. Deretter samla me oss i ”møljekorps” og marsjerte til M44 for ny runde med musikk frå dei enkelte korpsa. Det vart litt trongt om plassen nedover Storgata då rundt 140 musikantar samla seg til eit korps, og litt av ei utfordring å marsjere likt og spele rett med ”naboen” så tett at kvar minste bevegelse forplanta seg. Men kjekt var det!!
På konserten i mølla vart det servert mykje publikumsvennlig flott musikk frå dei forskjellige korpsa, nokre med solistar som imponerte stort.
